Zvicra ka 6912 të burgosur

Nëse krahasohet me vitin 1999, mund të shihet se numri i atyre që po mbajnë burgun sot, është dyfish më i madh

Aktualisht në burgjet zvicerane janë duke vuajtur dënimin 6912 persona të moshës madhore. Nëse krahasohet me vitin 1999, mund të shihet se numri i atyre që po mbajnë burgun sot, është dyfish më i madh, shkruan srf.ch

Ndërkohë njoftohet për një shtendosje të gjendjes në burgjet e Zvicrës perëndimore (frankofone), ku prej disa vitesh mbretëronte një gjendje para shpërthimit.

Sipas Zyrës Federale për Statistikë, vitin që kaloi, numri i të burgosurve të vendosur në këto burgje ishte në masën prej 104 për qind, transmeton albinfo.ch. Një vit më parë ai ishte 108 për qind. Ndërsa në burgjet e regjioneve tjera, shfrytëzimi i hapësirë ka qenë 92 për qind.

Sipas statistikave më të reja, gjatë vitit 2016 në gjithë Zvicrën jashtë familjeve të tyre ishin vendosur 477 të mitur që kishin rënë në konflikt me ligjin. Një vit më parë kanë qenë 455 sish.