Gjermania u rekomandon britanikëve modelin zviceran

Britania e Madhe duhet të orientohen drejt modelit të Zvicrës pas largimit nga Bashkimi Evropian (Brexit), konsideron ministri gjerman i Financave, Wolfgang Schaeuble.

“Britanikët duhet të marrin si shembull mënyrën e sovranitetit zviceran dhe mënyrën e bashkëpunimit të ngushtë me Bashkimin Evropian”, ka thënë Schaeuble për “Neue Züricher Zeitung”, transmenton albinfo.ch.

Kryeministrja Theresa Mae kohët e fundit njoftoi për një rrugë të vështirë drejt Brexit. Përveç kësaj, vendi do të largohen nga tregu i brendshëm i BE-së, që të mund të definojë politikën e migracionit.

Zvicra ka marrëveshje dypalëshe për qasje në tregun e brendshëm të BE-së. Dhe, në vend të prezantimit të kuotave për punëtorët e huaj, Konfederata zvicerane u jep prioritet qytetarëve të vendit.

Schaeuble i kërkoi qeverisë britanike të marrë parasysh rritjen e shqetësimit dhe pasigurisë në mesin e popullatës dhe për të shpjeguar të gjitha variantet në vend që të mos sjellë iluzione se do të jetë lehtë jashtë BE-së.

“Në një afat të gjatë Brexit është i keq për Britaninë”, thotë ministri i Financave.

“Në afat të shkurtër ekonomia tani është duke u zhvilluar mirë, por arsyeja kryesore është se paundi është i dobët. Ne e dimë se vendet që mbështeten në zhvlerësimin e monedhës së tyre, në afat të gjatë do të dështojnë”.