Zviceranët mbajnë së paku 790 mijë armë në shtëpitë e tyre

Por, edhe ky numër duket të jetë tejkaluar tashmë, gjë që kuptohet vetëm nga fakti se pesë kantone nuk i kanë ofruar të dhënat për t`i futur në regjistrin e përmendur

Në familjet zvicerane ka më shumë pistoleta dhe pushkë se sa është menduar deri tash. Kështu, sipas një vlerësimi të bërë para pesë vitesh nga Departamenti i Drejtësisë i Zvicrës, llogaritej se në shtëpitë e tyre zviceranët mbanin rreth 600 mijë armë, shkruan srf.ch.

Ndërkaq, regjistri aktual qendror përmban pak më shumë se 790 mijë armë të regjistruara, shkruan sot gazeta “Sontagsblick”, transmeton albinfo.ch. Por, edhe ky numër duket të jetë tejkaluar tashmë, gjë që kuptohet vetëm nga fakti se pesë kantone nuk i kanë ofruar të dhënat për t`i futur në regjistrin e përmendur. Ky regjistër është futur nga tetori i vitit të kaluar.

Se numri i armëve në shtëpitë zvicerane është edhe më i madh, flet e dhëna se armët e siguruara para vitit 2008 nuk i nënshtrohen detyrimit për futje në regjistër.