Dogana e Kosovës mbledh një miliard euro

“Derisa gjatë vitit të kaluar ne kishim 915,9 milionë tanimë kemi mbi 1 miliard euro të grumbulluara”, thuhet në komunikatën e Doganës

Dogana e Kosovës ka bërë të ditur se ka arritur të mbledh një miliard euro të hyra. Këto të hyra janë për vitin 2016, derisa ka pasur ngritje në krahasim me vitin e kaluar, shkruan albinfo.ch.

Nëpërmes një komunikate për media thuhet se për herë të parë që nga themelimi i doganës 17 vite më parë është arritur të tejkalohen të hyrat e mbledhura në lartësinë prej 1 miliard euro (1,014,137,335.79 euro).

“Dogana e Kosovës ka trend të lartë të mbledhjes së të hyrave në këtë përfundim të vitit. Më saktësisht Dogana deri tani ka 98.2 milionë më shumë se viti i kaluar shprehur në përqindje kemi 10,7 % më shumë. Derisa gjatë vitit të kaluar ne kishim 915,9 milionë tanimë kemi mbi 1 miliard euro të grumbulluara”, thuhet në komunikatën e Doganës.