Vdiq karikaturisti Mix dhe Remix

Karikaturisti Philippe Becquelin, i njohur me emrin Mix dhe Remix, ka vdekur të hënën, ka bërë të ditur familja e tij në rrjetet sociale. Ai ishte 58 vjeç dhe kishte punuar për gazetat frankofone “L’Hebdo” dhe “Le Matin Dimanche”.

“Lufta e tij e vendosur kundër kancerit pankreatik përfundoi në mbrëmjen e djeshme”, shkroi familja e tij “me pikëllim të madh”. Mix dhe Remix ka bashkëpunuar me “L’Hebdo” nga 1987 deri në vitin 2012 përpara se t’i bashkohet edhe gazetës ” Le Matin Dimanche”.

Gjithashtu Philippe Becquelin ka vizatur për emisionin televiziv “Infrarouge” në RTS, për gazetën “Courrier International” dhe “Internazionale” në Itali, si dhe për “Sine Hebdo”.