3.2% të zviceranëve marrin ndihma sociale

Shkalla e shfrytëzuesve të ndihmave sociale në mesin e të huajve gjatë vitit 2015 ka qenë 6.2% që shënonte një rritje prej 0.1 për qind. Ndërsa personat e shkurorëzuar arrinin nëe kuotën prej 5.6 për qind

Në vitin e kaluar në Zvicër kanë marrë ndihma sociale rreth 265 mijë persona. Ky numër përbën 3.2 për qind të popullatës së Zvicrës, bën të ditur Zyra Federale për Statistika, shkruan sda.ch. Sipas zyrës në fjalë kjo kuotë ka mbetur praktikisht e pandryshuar nga viti 2013.

Megjithatë, në vitin 2015 kishte 3600 persona më shumë se një vit më parë që merrnin ndihma sociale. Kjo përbën një rritje të vogël prej 1,4 % nga shifra e përmendur, transmeton albinfo.ch. Kjo tregon se megjithatë rritja e konstatuar nga viti 2008 ka pasur një vazhdim ndonëse simbolik dhe shpjegohet me rritjen e popullsisë. Me fjalë tjera, përqindja e përgjithshme nuk ka ndryshuar.

Ndër kategoritë që ndodhen më tepër në rrezik për të marrë ndihma sociale janë të huajt, personat e shkurorëzuar si dhe fëmijët dhe të rinjtë nën moshën 18 vjeçare.

Shkalla e shfrytëzuesve të ndihmave sociale në mesin e të huajve gjatë vitit 2015 ka qenë 6.2% që shënonte një rritje prej 0.1 për qind, përcjell albinfo.ch. Ndërsa personat e shkurorëzuar arrinin nëe kuotën prej 5.6 për qind.

Po ashtu ndihma sociale në shkallë mbimesatare kanë marrë njerëzit që jetojnë në kantone me qendra qytetare, për ndryshim nga ata në kantonet rurale që kanë marrë nën mesataren.