BE: 100 mijë vetura të reja u shitën në nëntor

Shitja e automjeteve të reja në BE u rrit me 5.8 për qind në muajin nëntor, vendet evropiane janë në rrugën e duhur për të arritur rezultatin më të mirë vjetor në dhjetë vjetët e fundit dhe të kalojë rekordin prej vitit 2007.

Numri i automjeteve të reja të regjistruara është rritur në 1.15 milionë në nëntor krahasuar me 1.09 milionë në të njëjtën periudhë të vitit të kaluar, në saje të rritjes së fuqishme në Spanjë, Francë dhe Itali, njofton shoqata e prodhuesve të makinave evropiane. Shitjet e makinave të reja në Spanjë u rriten në nëntor me 13,5%, në Francë 8.5, Italia 8.2, Britania e Madhe 2.9 dhe Gjermania 1.5%, përcjell albinfo.ch.

Shitjet e automjeteve të reja në BE do të arrijnë një shifër prej 14.7 milionë këtë vit, e cila do të jetë një rritje prej 7.1 për qind në krahasim me 2015-ën. Në vitin 2007 janë shitur 15.5 milionë makina të reja.