41 për qind më shumë udhëtarë nëpër trena, tramvaje dhe autobusë

Në të ardhmen do të ketë edhe më pak hapësirë për udhëtarët nëpër trena dhe tramvaje: kështu parashikon një model federal i transportit deri në vitin 2040.
Popullsia e Zvicrës është në rritje dhe gjithnjë në lëvizje. Modelet e fundit parashikojnë një rritje në transportin publik prej 41.4 për qind gjatë orëve të pikut, në mëngjes dhe në mbrëmje.

Por, edhe rrugët do të bëhen më të dendura: në orë e pikut në mëngjes do të shtohen 20 për qind më shumë makina deri në vitin 2040. Në mbrëmje madje parashikohet edhe 22 për qind. Ndërsa 31 për qind në mëngjes dhe 29 për qind në mbrëmje, përcjell albinfo.ch.

Gjatësia e rrugës me kapacitete të tilla do të rritet deri në vitin 2040 për 1940 km kundrejt 1351 km në vitin 2010. Studimi vjen nga Zyra Federale për Zhvillim Hapësinor. Për ministren e Transportit, Doris Leuthard, është e qartë: “Me infrastrukturën e sotme, nuk do të jemi në gjendje për të absorbuar rritjen”.