Zvicër: Më shumë se një milion bredha për festat e fundvitit

Në prag të festave të fundvitit, më shumë se një milion familje në Zvicër janë duke u përgatitur për të blerë bredhë për Krishtlindje si dhe për Vitin e Ri. Gjysma prej tyre janë bredha vendorë. Në sajë të kushteve ideale atmosferike, bredhat e këtij viti kanë dalë të bukur dhe të fuqishëm.

Mesatarisht, rreth 1.2 milionë pemë të këtij lloji shiten çdo vit në Zvicër. Dy të tretat, ose 550 hektarë rriten në fusha dhe një e treta vjen nga pyjet.

Gjatë dhjetë vjetëve që i duhen për t’u rritur, një hektar me bredha të Krishtlindjeve thith deri në 145 tonë CO2 dhe prodhon deri në 105 tonë oksigjen, njofton albinfo.ch.

Ndryshe nga pemët plastike të Krishtlindjeve, djegia e bredhave të natyrës apo kompostimin nuk liron më shumë CO2 se kanë transformuar gjatë rritjes së tyre.

Rreth 500 fermerë zviceranë dhe pronarë të pyjeve fitojnë nga ky aktivitet të ardhura plotësuese. Shitja e drejtpërdrejtë ofron një freski që mundëson një jetë më të gjatë të këtyre bredhave. Ndërsa ato që vijnë nga kulturat e mëdha të Danimarkës dhe Gjermanisë janë të ruajtura në frigoriferë para se të eksportohen dhe nuk qëndrojnë gjatë.