Arsenali e “çmonton” FC Baselin

Në njëmbëdhjetëshen e parë të Arsenalit janë angazhuar të dy futbollistët shqiptarë, Granit Xhaka dhe Shkodran Mustafi, ashtu sikurse edhe Taulant Xhaka në njëmbëshjeteshen e parë të FC Baselit

Kampioni i shumëfishtë i Zvicrës, FC Basel ka humbur sonte ndeshjen e dytë të Ligës së Kampionëve, nga Arsenali i Londrës me rezultatin 0:2.

Skuadra zvicerane ishte në çdo aspekt nën nivelin e asaj angleze kështu që rezultati 0 me 2 ka qenë më se real madje edhe ndonjë humbje më e thellë e Bazelit nuk do të ishte diçka joreale.

Të dy golat për Arsenalin i ka shënuar Walcott në minutat 7 dhe 26.  Ky së bashku me Sanchezin kanë qenë diga të pakalueshme për klubin nga Zvicra.

FC Basel kishte një fazë të vetme të mirë pasi kaluan 60 minuta nga fillimi i ndeshjes, por as gjatë kësaj faze nuk pati ndonjë shans të madh për gol.

Në njëmbëdhjetëshen e parë të Arsenalit janë angazhuar të dy futbollistët shqiptarë, Granit Xhaka dhe Shkodran Mustafi, ashtu sikurse edhe Taulant Xhaka në njëmbëshjeteshen e parë të FC Baselit.