20.000 veta kundër centraleve atomike

Kjo ka qenë protesta më e madhe antibërthamore në Zvicër që nga koha e Çernobilit, në vitin 1986, kur kishin protestuar 35.000 veta

Sot, në regjionin rreth centralit atomik Beznau, në kantonin Argau është mbajtur një demonstratë e madhe kundër energjisë atomike. Policia vlerëson se në demonstratë kanë marrë pjesë rreh 20 mijë veta, njofton drs.ch. Nga anë të ndyrshme të Zvicrës ishin nisur edhe trena specialë me kundërshtarë, të rinj dhe të vjetër, të energjisë atomike.

Kjo ka qenë protesta më e madhe antibërthamore në Zvicër që nga koha e Çernobilit, në vitin 1986, kur kishin protestuar 35.000 veta. Është vlerësuar se numri i madh i protestuesve është shenjë me rëndësi për të ardhmen politike të Zvicrës.

Pjesëmarrësit kanë kërkuar braktisje të energjisë bërthamore dhe mbyllje të centraleve të vjetra atomike. Në vend të tyre ata kanë kërkuar që të stimulohen më shumë burimet e energjisë së përtëritshme.

Në organizim të demonstratës kanë qenë rreth 150 organizata të majta dhe të mjedisit, nga Zvicra dhe nga vendet kufitare me Zvicrën.

Deputeti nacional nga të gjelbrit, Gerry Müller është shprehur me këtë rast se në këtë demonstratë po shohim një rilindje të bukur të lëvizjes antibërthamore.