Arrestohet gjermani, ushtroi dhunë ndaj gruas e vjehrrës shqiptare

Mësohet se çifti jeton në Gjermani, por vazhdimisht e vizitojnë Shqipërinë, sidomos gjatë periudhës së pushimeve verore

Lajmet nga kronika e zezë nuk përfshijnë vetëm shqiptarët, por edhe gjermanët. Madje, një gjerman është akuzuar se ka ushtruar dhunë fizike ndaj gruas së tij dhe vjehrrës në Tiranë, shkruajnë mediat shqiptare.

Shtetasi gjerman është 54-vjeçari Rudolf Schaefer, i martuar prej 10 vitesh me grua shqiptare, dyshohet se ka ushtruar dhunë në gjendje të dehur, transmeton albinfo.ch.

Mësohet se çifti jeton në Gjermani, por vazhdimisht e vizitojnë Shqipërinë, sidomos gjatë periudhës së pushimeve verore. Policia e Tiranës ka njoftuar për ngjarjen nga fqinjët e çiftit të cilët kishin dëgjuar zhurma e të bërtitura të gruas dhe nënës së saj.

Policia gjithashtu arrestoi në flagrancë gjermanin, ndërsa materialet procedurale i kaluan Prokurorisë për veprime hetimore të mëtejshme. Gjermani 54-vjeçar akuzohet për veprën penale të dhunës në familje. Ende nuk është bërë e ditur për motivet e tij, derisa është mësuar se ai ishte në gjendje, që mund të ketë çuar deri në këtë akt.