Në nivel vendi, prin PS-ja – I paqartë rezultati në Tiranë

Në Tiranë, exit-poli i institutit prishtinas “Gani Bobi” nxjerr fitues Bashën, ndërsa exit-poli i PS-së thotë se fitues është Rama

Pas mesnate në Shqipëri ka nisur numërimi i votave për zgjedhjet lokale që janë mbajtur të dielën. Në disa zona numërimi ka nisur me vonesë për shkak të problemeve. Kutitë e para të numërura për disa prej rretheve i japin përparësi të lehtë Partisë Socialiste të Edi Ramës.

Fier – Zeqaj (PS) 57 % – Bele (PD) 42.8 % (5 nga 83 kuti)

Berat – Decolli (PD) 51.7 %, Nasufi (PS) 48.2 % (4 nga 74 kuti)

Elbasan – Sejdini (PS) 55.5 % – Hushi (PD) 44.4 % (5 nga 96 kuti)

Lezhë –Tushaj (PD) 53.0 % Jaku (PS) 46.9 % – (6 nga 24 kuti)

Vlorë – Gjika (PS) 54.0 % – Kollozi (PD) 46.0 % (1 nga 86 kuti).

Sipas rezultateve të para të KQZ-së, PS është në epërsi fillestare edhe në Sarandë dhe Delvinë.

Ndërkaq, lidhur me rezultatet në Tiranë, në garën në mes të Edi Ramës, krybashkiakut aktual nga PS-ja dhe Lulzim Bashës, sfiduesit të tij nga PD-ja, qëndrimet janë të kundërta. Kështu, ndërsa exit-poli i institutit prishtinas “Gani Bobi” nxjerr fitues Bashën, exit-poli i PS-së thotë se fitues është Rama.