Hashim Thaçi, zyrtarisht si president për vizitë në Vjenë!

Gati dy muaj pas zgjedhjes si President i Republikës së Kosovës, Hashim Thaçi zyrtarisht si president do të udhëtojë për në Austri. Sipas mediave austriake, presidenti i Kosovës do të pritet nga presidenti në largim i Austrisë, Heinz Fischer. Takimi pritet të bëhet të mërkurën, në orën 14.30, kur presidenti Thaçi do të pritet me nderime shtetërore në Hofburg, njofton albinfo.ch.

Vetë Fischer kishte qëndruar në Kosovë tetorin e vitit të kaluar për një vizitë pune, ku ishte takuar edhe me ish-presidenten e Kosovës, Atifete Jahjaga.

Tutje agjencia e lajmeve austriake APA jep edhe një historik të shkurtër rreth jetës dhe veprimtarisë së presidentit të Kosovës, Hashim Thaçi.