Dorështrëngimi me mësueset, i detyrueshëm edhe për nxënësit myslimanë

Me vendimin e ri, prindërit e fëmijëve që kundërshtojnë dhënien e dorës, do të sanksionohen. Deri në 5000 franga mund të jetë gjoba që do të detyrohen ata të paguajnë në një rast të tillë

Departamenti i Arsimit në Kantonin Baselamt ka marrë vendim: shkollat në këtë kanton kanë të drejtë t`i detyrojnë nxënësit e tyre myslimanë që t`i japin dorën mësueseve të tyre. Siç është raportuar gjerësisht muajin e kaluar, dy nxënës me prejardhje siriane në një shkollë të lokalitetit Therwil të kantonit të përmendur për shkaqe fetare kishin kundërshtuar t`i jepnin dorën për përshëndetje mësueses së tyre, shkruan albinfo.ch. Madje edhe shkolla e tyre kishte pranuar këtë refuzim të tyre si zgjidhje të përkohshme.

Një ekspertizë e bërë kishte ardhur në përfundimin se përkundër lirisë së garantuar të besimit, shkollat mund të kërkojnë nga nxënësit e tyre që të përshëndeten me dorë me mësuesit dhe mësueset e tyre. Sipas ekspertizës, shtrëngimi i dorës nuk e prek besimin fetar mysloman në pjesët e tij qendrore. Nga ana tjetër një veprim i tillë është në shërbim të integrimit

Me vendimin e ri, prindërit e fëmijëve që kundërshtojnë dhënien e dorës, do të sanksionohen. Deri në 5000 franga mund të jetë gjoba që do të detyrohen ata të paguajnë në një rast të tillë. Natyrisht, si masë e parë është shqiptimi i vërejtjes.

Departamenti i arsimit nuk ka dhënë përgjigje nëse ndsj nxënësve në fjalë, gjegjësisht prindërve të tyre është duke ecur ndonjë procedurë lidhur me refuzimin e dorështrëngimit.

Me këtë vendim po ashtu ndërpritet vlefshmëria e qëndrimit të mëparshëm të shkollës në fjalë.