Shtohen për 20 për qind kërkesat për pasaporta bioemetrike

Eshtë rritur për 20 për qind numri i kërkesave për pasaportë biometrike në krahasim më një ditë të zakonshme para datës 4 maj, kur edhe Komisioni Evropian ka dhënë rekomandimin për heqjen e vizave për Kosovën.

Sipas të dhënave të Ministrisë së Punëve të Brendshme të Kosovës (MPB) pavarësisht shtimit të numrit të aplikimeve, ka mjaftueshëm pasaporta biometrikë dhe, se puna është duke vazhduar normalisht.

Siç raporton “Lajmi”  ka një shtim të numrit të aplikimit, nëse flasim me shifra konkrete nga një ditë e zakonshme kur kanë aplikuar qytetarët.

„Kemi një rrije për rreth 20%,  por mund të ju konfirmojmë se në Departamentin për Prodhim të Dokumenteve të Ministrisë së Punëve të Brendshme ka sasi të mjaftueshme të pasaportave biometrike dhe sistemi është duke punuar shkëlqyeshëm dhe puna është duke vazhduar normalisht dhe pavarësisht rritjes së kërkesave për aplikim të qytetarëve, ne kemi sasi të mjaftueshme që t’i pajisim qytetarët tanë me pasaporta biometrike brenda afatit të paraparë me ligj”, thuhet në përgjigjen e MPB-së, përcjell albinfo.ch.

Kjo ministri ka bërë të ditur se, deri më tani, 1,312,602 kosovarë janë të pajisur me pasaporta, ndërsa pasaporta biometrike të lëshuar nga MPB janë 666319, kurse numri i pasaportave jo biometrikë të lëshuar është 646283.