9 kosovarë dënohen për trafikimin e bashkatdhetarëve të tyre

Tetë burra dhe një grua me këtë rast janë dënuar me nga1.5 vjet burg efektiv

Goditje e madhe mbi mafinë kosovare të trafikimit me qenie njerëzore. Policia e landit Karnten (Karantania) pas hetimeve të suksesshme ka goditur një rrjet trafikantësh, pjesëtarët e të cilit tashmë janë gjykuar. Ata kanë sjellë ilegalisht bashkatdhetarët e tyre në Austri kështu që pasi janë kapur nga policia, tash kanë marrë disa vite mbrapa grilave, shkruan krone.at.

77 arrestime janë bërë në shumë shtete të Evropës, janë sekuestruar vila dhe automjete luksoze, transmetonalbinfo.ch mediat austriake. Rrjet që është marrë me tregtinë me njerëz, me vjedhje etj.

Të gjitha këto kanë sjellë te gjykimi i një pjese të rrjetit. Tetë meshkuj me këtë rast janë dënuar me nga1.5 vjet burg efektiv (dënimi i plotfuqishëm)  dhe një grua ka marrë dënimin po ashtu 1.5 vjet burg por vendimi për të ende nuk është i plotfuqishëm.

Vetëm i akuzuari kryesor është gjetur fajtor për 52 raste të trafikimit. Ai si njëri ndër kokat e rrjetit, ka bërë edhe rekrutimin  e shoferëve.

Dënimet janë shqiptuar edhe për vjedhje, lëndime të rënda dhe delikte tjera, përcjell alnbinfo.ch mediat austriake.

Tre pjesëtarë të bandës janë në ilegalitet ndërsa kundër katër të tjerëve janë ngritur fletarreste ndërkombëtare.