Shqipëria pak probleme me mbrojtjen, e pak me sulmin

FOTO: APA/HERBERT NEUBAUER

Në mesin e prezantimeve të Kombëtareve, faqja zyrtare e UEFA-s i ka bërë një vlerësim edhe Kombëtares shqiptare të futbollit për dy ndeshjet miqësore.

UEFA ka shkruar se kuqezinjtë kanë pak probleme me mbrojtjen e pak me sulmin, përcjell albinfo. Shqipëria humbi nga Austria 2:1 e më pas fitoi ndaj Luksemburgut 2:0. Sipas portalit të UEFA-s,

Shqipëria ka probleme me sulmin dhe golin e parë ndaj Luksemburgut e shënoi në minutën e 63-të. Sa i përket formacionit ka shumë dyshime, pasi luajti me lojtarë të ndryshëm dhe vetëm Etrit Berisha e ka vendin e sigurt. Kuqezinjtë janë treguar më të rrezikshëm në pjesët e dyta, duke i shënuar tre golat e fundit. Milot Rashica më 28 qershor do t’i bëjë 20 vjet, faza çerekfinale e Kampionatit Evropian, ku Shqipëria shpreson të jetë.

Ai debutoi me Kombëtaren shqiptare, por nuk e ka të sigurt pjesëmarrjen në Evropian. Nëse nuk do të jetë tani sigurisht do të jetë për të ardhmen.

Sokol Cikalleshi pritet të udhëheq Shqipërinë në sulm. Ai zhvilloi një ndeshje të mirë me Luksemburgun, por nuk ka shënuar në ndeshjet zyrtare.

Mbrojtja bëri gabime me Austrinë dhe kundërshtarët e Shqipërisë janë të gatshëm ta dënojnë.