Matthäus: Xhaka, të tregohet më i pjekur!

Pas shumë lëvdatave dhe oferta, në drejtim të Granit Xhakës kanë ardhur edhe kritika. Mesfushori shqiptar mungoi ndaj Dortmundit për shkak të suspendimit, por legjenda gjermane, Lothar Matthaus është shprehur se Xhaka duhet të jetë më i pjekur.

“Trajneri Schubert sigurisht se e mbron Xhakën, kjo është normale. Por, unë e shoh paksa më ndryshe. Ai nuk është më lojtar i ri, në moshën 23 vjeçare. Ai është përfaqësues i Zvicrës, nuk mund të zgjasë më tepër procesi i pjekurisë, ai duhet të ndryshojë përndryshe karriera e tij do të marrë fund”, ka thënë Matthaus për “Sky”.