Rita Xhaferi, foshnja e parë e lindur e vitit

Bota mund të ketë probleme dhe mund të duket e zymtë, edhe në ditën e parë të vitit të ri. Por kështu nuk është në spitalin e Winenden-it. Ky është vendi ku rrezaton optimizmi. Në orën 8 e 27 minuta erdhi në jetë Rita Xhaferi. E rëndë 3945 gramë, e gjatë 53 entimetra dhe me perimetrin e kokës 35 centimetra. Ajo është foshnja e parë e lindur në këtë spital në vitin e ri 2016, skruan Winenderzeitung.de.

E ëma e Ritës, e ardhur nga Kosova në Backnang në viti 2006, duket vetëm paksa e lodhur por ndryshe, e kapluar nga gëzimi i madh. «Gjithçka shkoi mirë, vetëm pak dhimbje, diku nga ora 4 e mengjesit» thotë ajo, transmeton albinfo.ch. Ndërsa vetëm pak orë para kësaj, nëna e re kishte qenë në gjendje të shikonte nga dritarja shpërthimet e fishekzjarreve për festën e Vitit të Ri, në qytet. Rreth orës 8, dhembjet u bënë më të forta dhe pas gjysmë ore gjithçka kishte përfunduar: vogëlushja kishte ardhur në jetë.

Katër vajza ka lindur deri tash zonja Xhaferi ndërsa i shoqi, i cili e kishte propozuar emrin Rita përvajzën e katërt, secilën herë kishte qenë aty për t`ia mbajtur dorën dhe për ta qetësuar kështu nënën e katërfishtë.