Zgjerohet zona e ndalimit të zjarreve dhe fishekzjarreve

Moti i thatë rrit rrezikun e zjarrit në pyje. Në Grisons ndalimi është zgjeruar në zonën Müstair si dhe në bregun e majtë të lumit Inn, Engadine, ka bërë të ditur kantoni të hënën në një deklaratë.

Ai paralajmëron kundër rrezikut të lartë të përhapjes së zjarrit në pyje, sidomos kur dihet se jemi në prag të festave që shënojnë kalimin në vitin e ri. Fishekzjarrët janë ndaluar gjithashtu. Në kantonin fqinj të Ticinosë çdo formë zjarri është e ndaluar.

Freiburgu gjithashtu kërkon kujdes, pasi që një zjarr pati shpërthyer të hënën pasdite në alpet “Schatters Schwyberg”. Një burrë 70-vjeçar mundohej të ndizte disa degë, por zjarri ka kapur drizin e thatë dhe është përhapur. Dhjetëra zjarrfikës në rajon janë detyruar të ndërhyjnë për të kontrolluar një zjarr që ishte përhapur mbi 150 m2.

Në Valais, autoritetet kanë bërë këtë paralajmërim për kujdes para Krishtlindjeve për shkak të mungesës së reshjeve dhe tokës së thatë. Rreziku i zjarreve në pyje është shënuar edhe në lartësi, në mungesë të mbulesës nga bora. Thatësira e tanishme, temperaturat e larta dhe erërat e ofruara lart rrisin më tej rrezikun, shkruan kantoni.

Të shtunën e kaluar një zjarr i vogël pati shpërthyer në një livadh prej 1.700 metra lartësi në St-Luc (VS). Zjarri ishte frenuar në sajë të ndërhyrjes së shpejtë të zjarrfikësve. Ndërsa më 3 nëntor një zjarr tjetër kishte shpërthyer herët në një zonë të pyllëzuar pranë Brig (VS).