Pajisje zjarrfikësish, donacion nga Zvicra për Vrapçishtin

Një kamion zjarrfikës, me të gjitha pajisjet për një njësi zjarrfikësish, ka arritur si donacion nga Komuna e Shipi (Chippis) e Zvicrës për Komunën e Vrapçishtit, transmetojnë lajmin mediet lokale.
“Ky donacion u bë realitet falë angazhimit të bashkëqytetarit tonë Blerim Selmani nga fshati Gjurgjevisht, me punë në Zvicër, i cili ishte ndërmjetësues për takimet që i kisha si kryetar i Komunës së Vrapçishtit, gjatë qëndrimit në Zvicër”, thekson kryetari Bajram Kadrija, transmeton albinfo.ch.
Banori i fshatit Gjurgjevisht, Blerim Selmani, i cili kishte mundësuar këtë donacion nga Zvicra, ka falënderuar autoritetet komunale të Vrapçishtit.