4 viktimat e zjarrit paraprakisht janë therur

Te të gjithë, katër personat e vdekur, janë gjetur plagë të shkaktuara nga therja ndërsa zjarri është vënë qëllimisht për t`i fshehur gjurmët e krimit

Katër personat që janë gjetur të vdekur të hënën në një zjarr të shërthyer në një shtëpi në Rupperswil (Kantoni Aargau) nuk janë viktima të zjarrit por të vrasjes me therje.

Siç bën të ditur sot prokuroria shteterore e Aargaut, te të gjithë, katër personat e vdekur, janë gjetur plagë të shkaktuara nga therja, njofton srf.ch. Ndërsa edhe zjarri është vënë qëllimisht për t`i fshehur gjurmët e krimit.

Autorët e vrasjeve nuk janë në mesin e të vrarëve, gjë që përjashton tezën e vetëvrasjes kolektive, si supozim që ishte përfolur në opinion.

Prokuroria tashmë ka ngritur një procedurë hetimi për vrasje të shumëfishtë me paramendim, kundër autorit të panjohur.

Për shkak të karbonizimit në shkallë të lartë të viktimave, asnjëra nga ato nuk ka mundur të identifikohet nga ekipet e specializuara. Hetimet mjekoligjore janë në vazhdim e sipër.