Kompanitë zvicerane investojnë më shumë jashtë vendit

Zvicra është bërë më e pasur në tremujorin e tretë. 23 miliardë franga më shumë para kanë hyrë në vend sesa kanë dalë. Në tremujorin e parë të këtij viti suficiti arriti në 12 miliardë franga, tregon Banka Nacionale e Zvicrës (SNB).

Zvicra ka fituar në tremujorin e tretë në mënyrë të konsiderueshme më shumë për mallrat e eksportuara se sa ka shpenzuar mbi produktet e importuara.

Arsyeja për suficitit në tregtinë e mallrave është frangu i fortë. Të ardhurat nga eksportet, në anën tjetër, kanë mbetur pothuajse konstante. Por, kjo vetëm në saje të tregtisë së arit, me të  cilin mund të kompensohet rënia e eksporteve të mallrave.

Sipas Bankës Nacionale të Zvicrës, arsyeja për rritjen e suficitit vjen kryesisht ngase investitorët e huaj kanë arritur që nga investimet e tyre në Zvicër të regjistrojnë të hyra më të ulëta. Me sa duket, frangu i fortë është gjithashtu përgjegjës për të.

Domethënë ka një rënie edhe në margjinat e kompanive zvicerane të eksportit, kështu edhe fitimet dhe dividendët e tyre kanë rënë.

Në përgjithësi, Zvicra në tremujorin e tretë ka eksportuar 20 miliardë franga zvicerane më shumë kapital se sa ka  importuar. Në tremujorin e parë të këtij eksportit ishte vetëm 3 miliardë franga zvicerane. Faktori vendimtar për këtë tepricë të konsiderueshme është kryesisht një rritje të fortë në eksportin e kapitalit jashtë vendit.

Për këtë vendimtare ishin investimet e kompanive zvicerane jashtë vendit.

Firmat zvicerane kanë blerë kompani të tjera jashtë vendit. Në këtë rast, shpjegimi është i thjeshtë: kompanitë vendëse lëvizin nëpërmjet blerjeve ose me ndërtimin e centraleve të reja të prodhimit t nga Zvicra e shtrenjtë në vendet me kosto të ulët.