Kreu i IZRS akuzohet për propagandim të xhihadit

Prokuroria Federale e Zvicrës ka iniciuar procedurë penale kundër njërit nga krerët e Këshillit Qendror Islamik të Zvicrës (IZRS), organizatë kjo e dyshuar për afërsinë e saj me islamin radikal.

Personi në fjalë (Naim Cherni) akuzohet se në një videoxhirim të tij e ka prezantuar me qëllime proaganduese udhëtimin e tij të bërë në zonat e luftës në Siri. Ai po ashtu nuk ka bërë distancim eksplicit nga aktivitetetet e Al-Kaida-s në Siri, konsideron prokuroria, shkruajnë mediet zvicerane.

Pjesëtari i IZRS-së po ashtu ngarkohet se ka intervistuar një pjesëtar të kreut të organizatës ombrellë të xhihadistëve Dschaisch al-Fatah («Ushtria e robërimit»).

I akuzuari është një shtetas gjerman, bën të ditur Prokuroria Federale. Sipas saj, procedura penale që po udhëhiqet kundër tij mbështetet mbi dyshimin për shkelje të Ligjit Federal që ndalon grupimet si Al-Kaida, ISIS dhe organizata tjera të afërta me to.

Akualisht Prokuroria Federale është duke i udhëhequr 46 procedura penale që lidhen me terrorizmin islamik. Në shumicën e rasteve bëhet fjalë për dyshimet lidhur me mbështetjen propagandistike të orgaizatave terroriste.