Fëmijët mund të bëjnë “selfie” humanitare me Shaqirin

Aksioni i madh humanitar «Jeder Rappen zählt» (çdo cent ia vlen), që mbahet tradicionalisht në kohën para festave të fundvitit në Bernë do të ketë për protagonist yllin e futbollit zviceran, Xherdan Shaqirin. Ai, në aktivitetin kryesor të këtij aksioni që mbahet sot me fillim nga ora 15.30 në sheshin kryesor të Bernës «Bundesplatz» do të hyje në «kutinë prej qelqi», ku do të japë autografe për adhuruesit e tij, do të fotografohet me ta dhe do të përpiqet të ndihmojë të rinjtë në nevojë.

«kubi i fuqishëm», «xhuxhi magjik» ose «Shaq-Atack», janë disa nga amrat përgëdhelës për Shaqirin. Por një gjë është e sigurt: 24 vjeçari është një talent absolut i jashtëzakonshëm. Dhe tjetra: ai vjen në Bernë në aksionin «Jeder Rappen zählt».

Ata që duan të bëjnë një «selfie» me të duhet të japin nga 10 franga, të cilat do të jepen për qëllime humanitare.

Pyetjet të cilave ai do t`u përgjigjet në kutinë prej qelqi, duhet të dërgohen me hashtag #FragShaqiri.

Në aktivitetin qendror të këtij aksioni do të shfaqë program edhe Shkolla  Vallëzimit Shqiptar në Zvicër “Shota”