Zvicra, në një grup me Shqipërinë në Evropianin 2016, vijnë reagimet e para

Në turneun e madh evropian, Zvicra do të luajë ndeshjen e parë me Shqipërinë ndërssa në të njëjtin grup janë edhe Franca dhe Rumania.

Në Evropianin 2016 në Francë do të luajnë me një grup Shqipëria dhe Zvicra, krahas Francës dhe Rumanisë.

Kombëtarja e Zvicrës përfaqësohet nga gjashtë shqiptarë dhe mënjëherë pas hedhjes së shortit janë deklaruar futbollistët e dy kombëtareve.

Sigurisht loja kundër Shqipërisë është shumë e veçantë për futbollistët me origjinë nga Kosova dhe Shqipëria

Kapiteni i kombëtares zvicerane, Gökhan Inler është shprehur mjaft i matur në Twitter, duke thënë: “.Gëzohem për verën e ardhshme ‘

Taulanti: “Francë 2016” kundër vëllait tim

Taulant Xhaka, mesfushor i Shqipërisë ka postuar në rrjetet socialenjë hartë me përfaqësueset pjesëmarrëse në Grupin A të ‘Euro 2016’ duke deklaruar: “‘Franca 2016’, kundër vëllait tim, Xhaka”.

Behrami: „I can’t believe #EURO2016“

Valon Behrami është shprehur krejt ndryshe. Atij nuk i besohet se do të luaj me një grup me Shqipërinë.

„I can’t believe #EURO2016“, shkruan Behrami. Kolegët e Behramit i janë përgjigjur Behramit, duke thënë se do të jetë historike përballja me Shqipërinë.

https://twitter.com/ValonBera/status/675734965833830400?ref_src=twsrc%5Etfw

Edhe sulmuesi Baselit në kombëtaren shqiptare, Shkelzen Gashi është veçanërisht i kënaqur në duelin me Zvicrën, siç njofton në Facebook.

Edhe Xherdan Shaqiri ka postuar në Facebook të njëjtën foto duke shkruar: “Nice Group A??? Looking forward??#Euro#2016#XS#23 @UEFAEURO”

Trajneri i kombëtares së Shqipërisë, Gianni De Bias tha se kanë një skuadër të re me lojtarë që kanë disa kohë që luajnë bashkë.

„Shpresojmë që të bëjmë gjëra interesante në këtë Evropian dhe të bëjmë sa më mirë që të jetë e mundur. Do të japim maksimumin në këtë garë, nuk kemi asgjë për të humbur. Do të japim gjithçka në fushë”., tha De Biasi.

Duka: Nuk do ta dëshiroja ndeshjen e parë me Zvicrën.

„Realisht nuk do ta dëshiroja ndeshjen e parë me Zvicrën, por pak më vonë“, tha Duka ndërsa ëndërronte që Shqipëria të luante ndeshjen hapëse të evenimentit ndaj Francës.

 

 

 

 

---