Parlamenti bën votëbesimin e Këshillit Federal

KEYSTONE

Nga ora 8 Aambleja Parlamentare, gjegjësisht përbërja e plotë e deputetëve të dy dhomave të Parlamentit të Zvicrës ka filluar punën për zgjedhjen dhe votëbesimin e anëtarëve të Këshillit Fderal.

Fillimisht, deputetët kanë pranuar tërheqjen e ministres së deritashme nga BDP-ja, Eveline Widmer-Schlumpf, e cila ka dhënë dorëheqjen pas tetë vitesh në këtë post. Siç është raportuar tashmë, Widmer-Schlumpf është detyruar të tërhiqet si pasojë e presionit të partise fituese, SVP/UDC.

Përveç ministres Schlumpf, deputetët kanë miratuar edhe tërheqjen e kancelares (post i lartë administrativ pa kompetenca ekzekutive) Corina Casanova.

Në vazhdim, gjashtë ministrat e mbetur i janë nënshtruar votëbesimit nga deputetët.  Ministrja Doris Leuthard nga CVP/PDC është rizgjedhur me një rezultat të shkëlqyer: 215 veta kanë votuar për të, ndërkohë që 118 vota do të mjaftonin për rizgjedhje.

Më tutje votëbesimin e ka fituar edhe ministrja tjetër, Simonetta Sommaruga, me 180 vota.

Didier Burkhalter nga FDP/PLR me 217 vota pro ka arritur rezultatin kulmor në rizgjedhje ndërsa po ashtu është rivotuar edhe Ueli Maurer nga SVP/UDC, me 171 vota. Ndërsa Johan Schneider Amman ka fituar besimin e 191 deputetëve.

Edhe Alain Berset PS ka marrë besimin e deputetëve të Parlamentit të Zvicrës. Ai me 210 vota është rizgjedh ministër në Këshillin Federal

Pika kryesore e seancës është votimi për njërin nga kandidatët e  SVP/UDC-së për vendin vakant të ministrit federal.