Qeveria, edhe 207 milionë franga për azilin

Shpenzimet që lidhen me azilin në Zvicër gjatë këtij viti po rezultojnë më të larta se sa është pritur. Për këtë arsye Këshilli Federal ka kërkuar nga parlamenti një kredi plotësuese prej rreth 207 milionë frangash. Parlamenti e ka miratuar me shumicë bindëse këtë shtesë në buxhet.

Por ajo për çfarë janë ngritur dilema në dy dhomat e parlamentit ka qenë numri i azilkërkuesve në vend. Siç dihet, në bugjetin e vitit 2015 pjesa për azilin ishte llogaritur duke u nisur nga parashikimi se në Zvicër gjatë këtij viti do të vinin rreth 22 mijë azilkërkues. Por ndërkohë Sekretariati Shtetëror për Migracion (SEM) ka dalë me shifrën dukshëm më të lartë ose mbi 30 mijë azilkërkues.

Kjo ka shkaktuar nevojën për shtimin e mjeteve me destinim azilin, si për ndihmat sociale dedikuar vetë azilkërkuesve ashtu dhe për procedurat e azilit.