5 vjet e 9 muaj burg kosovarit, për fajde, dhunë e kërcënim

Për 16 muaj rresht e kishte kërcënuar, rrahur dhe shantazhuar një portugez, pronar kafeje në qarkun e katërt të Cyrihut, të cilit i kishte dhënë borgj me fajde dhe ai nuk kishte mundur t`ia kthente

Pesë vjet e nëntë muaj burg i ka shqiptuar Gjykata e Qarkut në Cyrih një shqiptari të Kosovës për veprat penale si shantazhim i rëndë, fajde dhe delikte të ndryshme me drogë e me armë. Duke i cilësuar si «mafioze» veprimet e tij, trupi gjykues i ka dhënë bodigardit 26 vjeçar një dënim dukshëm më të lartë se që e ka kërkuar prokurori. Ai kishte konsideruar se katër vjet e gjysmë burg është masa adekuate për veprat penale qe ka kryer kosovari.

I dënuari tashmë ka mbajtur 419 ditë burg, të cilat i llogariten në kohëzgjatjen e përgjithshme.

I dënuari, nga fillimi i vitit 2013 ai për 16 muaj rresht e kishte kërcënuar, rrahur dhe shantazhuar një portugez, pronar kafeje në qarkun e katërt të Cyrihut, të cilit i kishte dhënë borgj me fajde dhe ai nuk kishte mundur t`ia kthente, shkruan 20minuten.ch. Viktima ishte frikësuar aq shumë sa që po kërkonte para hua te familjarët, miqtë dhe në vendin e punës, për të kënaqur fajdexhiun e tij të pangopur.

Më në fund nga vjeshta e vitit 2014 portugezi mböedh guximin dhe e denoncon kosovarin në polici. Deri atëherë ai i kishte paguar atij plot 121 mijë franga. I denoncuari fillimisht kishte bërë një pranim sipërfaqësor të veprës por pastaj, gjatë seancës gjyqësore ishte tërhequr nga shumica e akuzave. Mirëpo duket se e gjithë kjo nuk i ka shërbyer fare. Ai krahas dënimit me burg duhet t`i paguajë viktimës 115.900 franga si dëmshpërblim dhe 9000 franga në emër të zhdëmtimit.