58 nxënës nga Kosova, punë praktike në Gjermani

Projekti i realizuar nga APPK, në bashkëpunim me Diakonie Baden-Württemberg, siguron që gjatë tre vjetëve të ardhshme nxënësit do të kryejnë shkollime profesionale në fushën e kujdesit ndaj të moshuarve.

Lajmin e ka bërë të ditur konsulli kosovar në Shtutgrad, Besnik Miftaraj.

“Sot isha i pranishëm në aeroportin e Stuttgartit për t’i pritur dhe uruar mirëseardhje grupit të radhës të nxënësve prej 58 kandidatëve nga Kosova, të cilët do të qëndrojnë në hospitim, fillimisht prej 10 ditëve, ku do të njoftohen me punën dhe punëdhënësit e tyre të ardhshëm dhe nga shtatori i këtij viti do të fillojnë me shkollim/punë”, thuhet në një njoftim të Besnik Miftarajt, shkruan albinfo.ch.

Projekti i realizuar nga APPK, në bashkëpunim me Diakonie Baden-Württemberg, siguron që gjatë tre vjetëve të ardhshme nxënësit do të kryejnë shkollime profesionale në fushën e kujdesit ndaj të moshuarve.

“Të rinjtë nga Kosova ishin shumë të motivuar dhe u pritën nga punëdhënësit e ardhshëm”, tha Miftaraj.