Sport
Distria Krasniqi e fiton medaljen e bronztë në Kampionatin Botëror në Japoni
Krasniqi, e cila e humbi mundësinë për t’u bërë kampione bote pasi u mposht në gjysmëfinale
Distria Krasniqi e ka fituar medaljen e bronztë në Kampionatin Botëror të Xhudos 2019 në Japoni – pasi e mposhti Laura Martinez Abelendan në luftë për këtë çmim të dielën – e cila është e para për të në një kampionat botëror.
Krasniqi, e cila e humbi mundësinë për t’u bërë kampione bote, pasi u mposht në gjysmëfinale, megjithatë u përkujdes ta shfrytëzojë mundësinë e dytë dhe të fundit për medalje dhe ia doli t’ia sjellë Kosovës të bronztën në kategorinë deri në 48 kilogramë.
23-vjeçarja, kampione e botës në xhudo, por si junior në kategorinë deri 52 kilogramë, e mundi me shumë lehtësi xhudisten spanjolle.
Kosovarja nuk i dha aspak mundësi Abelendanas duke e mposhtur me ippon pak sekonda brenda meçit.
Kjo është medalja e parë e Kosovës në ditën e parë të Kampionatit Botëror në Japoni.
Krasniqi pati një ditë fenomenale në Japoni sot, duke e kaluar rundin e parë pa luftë për shkak se renditen në top 10-she, ndërsa në rundin e dytë e mundi mongolen Narantsetseg Ganbaatar. Rundin e tretë e kaloi pasi e mundi Julia Figueran e Spanjës.
Kampionia Evropiane U23 në çerekfinale e mposhti Paula Pareton në një luftë të vështirë çerekfinale, para se të ndalej në gjysmëfinale nga kampionia e botës më 2017 dhe numri një i botës në kategorinë deri 48 kilogramë, japonezja Funa Tonaki.
Numri pesë i botës e la pas zhgënjimin që e përjetoi në gjysmëfinale dhe e fitoi medaljen e parë në një kampionat botëror si siniore, duke bërë një paraqitje të shkëlqyer ndaj xhudistes spanjolle Abelenda.
Në ditët në vazhdim, Kosovën do ta përfaqësojnë në Botëror edhe Majlinda Kelmendi, Akil Gjakova, Nora Gjakova dhe Loriana Kuka, përcjell Albinfo.ch.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri