23-vjeçari shqiptar në Itali u vra në mënyrë mizore nga një algjerian

Mediat italiane të ndjerin e quajnë: “Një shembull perfekt i integrimit”

Policia italiane raportoi se Klajdi Bitri, 23-vjeç, ka humbur jetën në formën më të padrejtë. “Një shembull perfekt i integrimit”, kështu cilësohet i ndjeri në një artikull të medias së njohur italiane Ansa, përcjell albinfo.ch.

Sipas kësaj të fundit, Klajdi punonte në port për një kompani të ndërtimit të anijeve dhe jetonte me vëllain e tij më të vogël.

Raportohet se ai ishte integruar më së miri me jetën dhe banorët e Ancona-s. I riu me origjinë shqiptare u vra në mënyrën më mizore teksa u përpoq të mbronte mikun e tij italian, me shtizë peshkimi në gjoks nga 27-vjeçari algjerian. Ky i fundit tashmë ndodhet në burg i akuzuar për vrasje me dashje.

 

 

---