Kosova

131 shtetas afganë pritet të vijnë sot në Kosovë

E martë, 31 Gusht 2021 - 12:30 albinfo.ch

EPA/VALDRIN XHEMAJ

Ministri i Brendshëm, Xhelal Sveçla, ka konfirmuar se këtë të martë në Prishtinë do të vijnë edhe 131 shtetas afganë në kuadër të marrëveshjes për evakuimin e tyre, përcjell albinfo.ch.

“Sikurse në dy rastet e mëhershme edhe këta janë bashkëpunëtorë të NATO-s. Ata do të vendosen në ish-kampin e Bechtel-Enka në Ferizaj”, është shprehur Sveçla.

“Bëhet fjalë për strehim të përkohshëm të këtyre shtetasve afganë. Në procedura hyjnë edhe kontrollet mjekësore dhe nuk kemi asnjë shtetas afgan të infektuar nga COVID 19 apo sëmundje tjera që do të rrezikonin shtetasit tjerë afganë”.