10 këshilla për mbrojtje nga vjedhjet e shtëpive, fushatë vetëdijësuese e Policisë së Kosovës

Parandalimi i vjedhjeve të banesave dhe shtëpive, Policia e Kosovës shpërndan këshilla praktike për qytetarët

Drejtoria e Policisë së Kryeqytetit ka nisur një fushatë vetëdijësuese me qëllim parandalimin e rasteve të vjedhjeve dhe rritjen e sigurisë në komunitet, përcjell albinfo.ch.

Në lagjet e kryeqytetit, zyrtarët policorë po shpërndajnë fletushka informuese me temën “10 Këshilla të dobishme , Mbrojtje nga vjedhjet”, duke u dhënë qytetarëve udhëzime praktike për mbrojtjen e pronës dhe sigurinë personale.

Pjesë e fushatës është edhe bashkëbisedimi i drejtpërdrejtë me qytetarët, ku u jepen këshilla mbi mënyrat e parandalimit të vjedhjeve dhe rëndësia e raportimit të rasteve të dyshimta. Policia e Kosovës u bën thirrje qytetarëve të bashkëpunojnë dhe të ndjekin rekomandimet për të mbajtur komunitetin më të sigurt.

---