1 mijë e 526 raste të vdekjes nga COVID-19 në Kosovë

KEYSTONE/EPA/VALDRIN XHEMAJ

Nga 62 mijë e 548 qytetarë të infektuar me virusin SARS CoV2 në Kosovë që nga dy rastet e para pozitive të paraqitura në mars të 2020, 1 mijë e 526 persona kanë vdekur si shkak i infektimit me COVID-19.

Sipas të dhënave ditore të Institutit Kombëtar të Shëndetësisë Publike të Kosovës (IKShPK) nga ky virus kanë arritur që të shërohen 54 mijë e 231 persona.

Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Gjilan 1 rast (53 vjeç), Klinë 1 rast (80 vjeç) dhe Rahovec 1 rast (73 vjeç). Ndërsa, të shëruar gjatë 24 orëve të fundit janë 189 pacientë derisa numri i përgjithshëm i të shëruarve deri më sot është gjithsej 54.231 raste, kurse numri i rasteve aktive është 6.791.