Zvicra, vendi më konkurrues në botë!

Ilustrim

Për të tetin vit radhazi, Zvicra rangohet si vendi më konkurrues në botë, thotë studimi vjetor nga Forumi Ekonomik Botëror (WEF). Më pas, në renditje vjen Singapori dhe SHBA-ja.

Zvicra  krahasuar me një vit më parë ka shënuar një përmirësim të lehtë dhe ka arritur 5.8 pikë në një shkallë nga 1 deri në 7, tregon rezultati nga WEF, i publikuar në Raportin e Konkurrueshmërisë Globale 2016-2017, përcjell albinfo.ch.

138 vende janë përfshirë në hulumtim në 12 kategori kryesore. Zvicra kryeson në katër nga dymbëdhjetë kategoritë kryesore.

Vetëm kur bëhet fjalë për tregun, vendi figuron natyrshëm në pozitën e 39-të, në mesin e 138 vendeve.
Zvicra kishte ndoshta një nga ekosistemet më produktive të inovacionit, vuri ne dukje WEF.

Dobësitë e Zvicrës janë deflacioni dhe mungesa e konkurrencës, shkroi WEF. Gjithashtu ekzistonin pengesa për themeluesit e kompanisë, pengesa relativisht të larta për hyrjen në tregun vendor, si dhe një pjesëmarrje e ulët e grave në tregun e punës.