Zvicra shihet si vendi më i mirë për çiftet e martuara

Kjo është gjetja e një raporti të fundit të kryer nga kompania australiane Compare the Market, e cila e bazoi sondazhin në faktorë të tillë si normat e martesës dhe divorcit, si dhe jetëgjatësia në secilin nga 30 vendet e studiuara, përcjell albinfo.ch.

Hulumtimi zbuloi se Zvicra është “më e mira në përgjithësi” për të martuarit.

Jetëgjatësia e çifteve zvicerane është më e larta në Evropë, me 83.5 vjet, dhe vendi renditet i gjashti në botë për nivelet e lumturisë, thuhet në raport.

“Ajo renditet gjithashtu në mesin e 10 vendeve më të mira evropiane për shkallën e martesave. Të gjitha këto rezultate të forta në kategori të ndryshme e bëjnë Zvicrën vendin më të mirë të gjithanshëm për çifte të lumtura.”

Ndonëse në hulumtim nuk është përfshirë shumë shkencë e mirëfilltë, gjithsesi është mirë të dihet.