Zvicra rrit sërish ndihmën për Afganistanin

Foto nga arkiva

Zvicra do të dhurojë 30 milionë CHF shtesë për Afganistanin këtë vit, si pjesë e përpjekjeve ndërkombëtare për të mbështetur vendin në vështirësi, përcjell albinfo.ch.

Donacioni zviceran u njoftua në një konferencë ndërkombëtare në Gjenevë të enjten, organizuar nga Gjermania, Katari, Britania dhe Kombet e Bashkuara.

Një total prej 2.44 miliardë dollarësh u zotuan, shumë më pak se apeli prej 4.4 miliardë dollarësh i OKB-së. Dhurimi i Zvicrës është kryesisht në përputhje me buxhetin e saj të zakonshëm vjetor për Afganistanin prej 27 milionë CHF, shkroi Ministria e Jashtme, e cila tha se ishte “jashtëzakonisht e shqetësuar për krizën në rritje humanitare dhe përkeqësimin e situatës së të drejtave të njeriut në Afganistan”.

OKB-ja vlerëson se 62% e popullsisë afgane (më shumë se 24 milionë njerëz, duke përfshirë rreth 13 milionë fëmijë) varen nga ndihma urgjente.

Nëntë milionë përballen me urinë dhe disa familje po shesin fëmijë dhe organe për të mbijetuar, tha në Gjenevë Sekretari i Përgjithshëm i OKB-së, Antonio Guterres, përcjell tutje albinfo.ch.