Lajme
Zvicra pritet të heqë më 1 prill detyrimin e maskës në transportin publik
"Nëse situata epidemiologjike e lejon, rregullorja e Covid 19 do të skadojë automatikisht më 1 prill. Për këtë nuk kërkohet konsultim i mëtejshëm i kantoneve"
Nga 1 prilli, Këshilli Federal, sipas paralajmërimeve të bëra më 16 shkurt, pritet të heqë detyrimin e mbajtjes së maskës në transportin publik dhe detyrimin për izolim, transmeton albinfo.ch. Kjo do të thotë që njerëzit që kanë rezultuar pozitivë, veç tjerash, do të mund të jenë në mes njerëzve.
Po kështu, grupi i punës për Covid (Task Forca) do të shpërbëhet në fund të marsit.
Pra, nëse gjërat shkojnë sipas planit të Këshillit Federal, masat e fundit do të merren për dhjetë ditë.
Këshilli Federal do të analizojë zhvillimin në fund të muajit dhe do të japë informacion se si të vazhdohet, shkruan Zyra Federale e Shëndetit Publik (BAG) e pyetur nëse këto masa do të hiqen, siç është planifikuar.
“Nëse situata epidemiologjike e lejon, rregullorja e Covid 19 do të skadojë automatikisht më 1 prill”, transmeton albinfo.ch. Për këtë nuk kërkohet konsultim i mëtejshëm i kantoneve. Ato më pas mund të miratojnë masa mbrojtëse ndaj Covid me autoritetin e tyre.
Përfaqësuesi i BAG, Mathys në konferencën e sotme për shtyp ka thënë se, sipas këndvështrimit mjekësor, mbajtja e maskës garanton mbrojtje të mirë nga infeksioni. Por, ka shtuar ai, fjala e fundit për ose kundër heqjes së detyrimit të maskës, i mbetet Qeverisë Federale. “Ajo mban parasysh edhe aspekte të tjera, krahas atij shëndetësor”, ka thënë Mathys.
Por, jo të gjithë i mirëpresin këto plane. Drejtoresha e Shëndetësisë e Cyrihut Natalie Rickli ka bërë thirrje që të vazhdohet detyrimi për maskë. Mjeku i lartë i kantonit paralajmëron gjithashtu për kujdes.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj