Zvicra pëson nga Belgjika, Mehmedi shënuesi i vetëm për Nati-n

Admir Mehmedi ka shënuar gol në miqësoren Belgjikë-Zvicër

Belgjika ka mundur Zvicrën me rezultat 2:1 në miqësoren e zhvilluar sonte mbrëma.

Fillimisht ishte futbollisti shqiptar, Admir Mehmedi, që shfrytëzoi një gabim të mbrojtjes kundërshtare për të shënuar për 0:1. Ndodhi kjo në minutën e 13-të, shkruan albinfo.ch.

Mehmedi dhe Granit Xhaka e nisën ndeshjen nga fillimi, kurse Xherdan Shaqiri ishte në bankën rezervë.

Pikërisht Shaqiri zëvendësoi Xhakën në fillim të pjesës së dytë, derisa vetëm 45 minuta luajti edhe Mehmedi.

Dy golat për belgët i realizoi Batshuayi në minutën e 49-të dhe 70-të.

---