Zvicra, nënshkruese e apelit për heqjen e dënimit me vdekje

Përveç Zvicrës janë edhe: Britania e Madhe, Norvegjia, Argjentina, Turqia, Australia, Meksika, Benini, Burkina Faso, Haiti, Mongolia dhe Filipinet

Heqja e dënimit me vdekje në gjithë botën është prej kohësh temë debati dhe synim të cilin ia kanë vënë vetes lëvizje të ndryshme. Në vendet e Evropës perëndimore ky dënim tashme i takon të kaluarës.

Një lëvizje serioze për anulimin e dënimit me vdekje ka bashkuar dymbëdhjetë shtete, të cilat kanë nënshkruar një deklaratë të përbashkët. Sipas deklaratës, gjegjësisht apelit të bërë nga nënshkruesit, 12 kryeministra shtetesh nga të gjitha kontinentet, “në shekullin e njëzetenjëtë nuk duhet të ketë ekzekutime shtetërore të dënimit me vdekje”.

Në mesin e 12 ministrave është edhe ministri i jashtëm, njëherësh presidenti i federatës, Didier Burkhalter. Ky i fundit ka bërë përpjekje për sensibilizimin e shteteve me këtë problem edhe gjatë sesionit të fundit të Asamblesë Gjenerale të OKB-së.

Përveç përfaqësuesit të Zvicrës, autorë të apelit në fjalë janë edhe ata nga Britania e Madhe, Norvegjia, Argjentina, Turqia, Australia, Meksika, Benini, Burkina Faso, Haiti, Mongolia dhe Filipinet.