Lajme
Zvicra mposhti Irlandën, mbetet në garë për kualifikim në Euro
Haris Seferovic me një gol dhe Shane Duffy me një autogol e kanë mbajtur Zvicrën në garë për kualifikim në Kampionatin Evropian të vitit 2020, duke u ndihmuar helvetikëve ta mposhtin 2:0 lideren e Grupit D, Irlandën, me Ricardo Rodriguez që e humbi penalltinë
Zvicra tani grumbullon 11 pikë, një më pak se Danimarka në pozitën e dytë dhe se Irlanda që ka një ndeshje më shumë të zhvilluar, pas triumfit minimal të martën në Gjenevë, raporton Gazeta Express.
Kombëtarja helvetike po vinte nga një humbje prej Danimarkës në ndeshjen e fundit dhe i duheshin tri pikë sonte për të mbetur në garë për kualifikim.
Pikërisht këtë edhe e arritën me dy futbollistët me prejardhje shqiptare, Granit Xhaka dhe Admir Mehmedi, që luajtën titullarë.
Zvicra e dominoi takimin duke e kontrolluar lojën dhe duke krijuar më shumë se vizitorët.
Seferovic shënoi një gol fantastik nga largësia për t’i dhënë Zvicrës epërsinë pas një çereku lojë.
Vendasit lëshuan shumë raste për ta dyfishuar epërsinë, përfshirë një mundësi të artë nga penalltia. Por goditja e Rodriguez nga pika e bardhë u prit nga portieri Darren Randolph në minutën e 77-të.
Në minutën e 90+3, Duffy shënoi në portën e vet në tentim për ta larguar topin.
Ndeshjen e ardhshme Zvicra takohet me Gjeorgjinë, ndërsa Irlanda me Danimarkën, shkruan gazetaexpress, përcjell albinfo.ch.
Të ngjashme
Të tjera nga Lajme
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?