Zvicra mbështet projekte të atraksionit në Shqipëri

Si pjesë e mbështetjes për zhvillimin rajonal, Ambasadorja e Zvicrës në Shqipëri, Huber, dhe kryetari i Bashkisë së Lezhës, Pjerin Ndreu, përuruan ndërtimin e shtigjeve për biçikleta dhe këmbësorë në Kune-Vain, një zonë e mbrojtur dhe atraksion i veçantë në këtë rajon.

“Në emër të qeverisë zvicerane dhe bashkëpunimit austriak, doja të falënderoj Bashkinë Lezhë, Fondin e Zhvillimit Shqiptar dhe Programin e Zhvillimit Rajonal për angazhimin dhe performancën e mirë në përfundimin e këtij projekti të suksesshëm”, tha ambasadorja Huber.