Tematike
Zvicra kërkon të mbahen hapur kanalet për dërgimin e parave të migrantëve
Zvicra po kërkon që të bëhen edhe më tej të mundshme transferimet e parave të migrantëve në vendet e tyre të prejardhjes pasi që ka rrezik që kanalet që bëjnë të mundshme një gjë të tillë, të ndërpriten
Transferimet e parave nga migrantët në vendet e tyre të prejardhjes mund të zvogëlohen për 20 për qind këtë vit për shkak të krizës së koronavirusit. Prandaj Zvicra ka nisur një thirrje në të gjithë botën për të vazhduar lehtësirat e dërgimit të parave, edhe gjatë krizës, shkruan srf.ch.
Dërgesat ose remitancat përbëjnë mbi 25 përqind të produktit të brendshëm bruto (PBB) në disa vende më të varfëra, thuhet në një njoftim nga Departamenti Federal i Punëve të Jashtme (EDA), transmeton albinfo.ch. Vetëm vitin e kaluar, migrantët u kishin dërguar familjarëve të tyre në vendin e prejardhjes rreth 550 miliardë dollarë.
Rritje e presionit të migracionit
Shumë nga këto familje nuk do të ishin në gjendje të siguronin mallrat ose shërbimet thelbësore, përfshirë gjërst ushqimore, qiraja, shkolla ose trajtimi mjekësor pa paratë e migracionit. Tani, masat e bllokimit për shkak të pandemisë me Covid-19 dhe mbyllja e zyrave të këmbimit ose ofruesve të shërbimeve të transferimit financiar kërcënojnë të ulin këto pagesa për 20 për qind ose për 110 miliardë dollarë.
Kjo gjithashtu mund të çojë në rritje të presionit të migracionit, vazhdon njoftimi i EDA-s. Kjo është arsyeja përse Zvicra, së bashku me Britaninë e Madhe, po i bëjnë thirrje komunitetit botëror që t’i mbajë të hapura kanaletv për dërgesa e parave nga migracioni, transmeton albinfo.ch. Kjo thirrje mbështetet nga organizata ndërkombëtare si: Banka Botërore, Organizata Ndërkombëtare e Migracionit (IOM), Programi i Kombeve të Bashkuara për Zhvillim (UNDP) dhe aktorë tjerë financiarë privatë.
Kanalet dixhitale duhet të jenë të disponueshme
Krijuesit e politikave, rregullatorët dhe ofruesit e shërbimeve në të gjithë botën inkurajohen të lehtësojnë transferimin e parave. Kanalet dixhitale gjithashtu duhet të vihen në dispozicion të migrantëve dhe fushatat informuese do të përdoren për të njohur publikun me mundësitë e reja.
“Duhet të sigurohemi që pengesat të hiqen në të gjithë botën,” citohet Ministri i Jashtëm Ignazio Cassis në njoftimin në fjalë, përcjell albinfo.ch. Në kuadër të angazhimit të saj, Zvicra përqendrohet në shërbime që përdorin teknologjitë e reja të transferimit në mënyrë që migrantët të mund të dërgojnë para në vendet e tyre të prejardhjes, për shembull me anë të telefonit celular.
Të ngjashme
Të tjera nga Tematike
E-Diaspora
-
Presidentja Osmani: Regjistrohuni, mërgimtarë! Presidentja e Kosovës, Vjosa Osmani, ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë