Lajme
Zvicra dyfishon kreditë për kompanitë e vendit: edhe 20 miliardë të tjerë
Për të ndihmuar kompanitë e prekura nga epidemia janë zotuar edhe 20 miliardë franga të tjera. Tani është arritur shuma e përgjithshme prej 40 miliardë frangave
Këshilli Federal dyfishon vëllimin e garancisë së kredive për tejkalimin epidemisë së Covid-it. Kështu tani për të ndihmuar kompanitë e prekura nga epidemia janë zotuar edhe 20 miliardë franga të tjera, shkruan srf.ch. Me këtë dyfishim është arritur shuma e përgjithshme prej 40 miliardë frangave, e paraparë për këtë destinim.
Qeveria e ka justifikuar këtë shtim në parlament me kërkesën e lartë për mbështetje që mbretëron te kompanitë vendore.
Qeveria federale siguron me këtë rast që të gjithë të punësuarit do të marrin të ardhurat e tyre të garantuara, transmeton albinfo.ch. Por, përveç kësaj, ka dhe kredi për kompanitë, ka thënë para mediave në Bernë Ministri i Financave, Ueli Maurer. Kjo do të duhej të mjaftonte si ndihmë urgjente për ekonominë, ka theksuar ai.
“Ekonomia gjithashtu ka përgjegjësinë e saj, sepse shteti nuk është sigurim gjithëpërfshirës (vollkasko)”, ka vazhduar Maurer. Por është shumë e mundshme që gjërat me kohë të korrigjohen, ka shtuar ai.
“Për momentin, natyrisht, dëshirat janë të mëdha”, ka thënë ministri Maurer. Sipas tij, në çdo katër sekonda po miratohet nga një kredi… “Por unë gjithashtu besoj në forcën e ekonomisë se ajo mund të zgjidhë disa prej këtyre problemeve vetvetiu”, përcjell albinfo.ch. Sidoqoftë, efektet e plota të recesionit global ende nuk mund të vlerësohen.
Të ngjashme
Të tjera nga Lajme
E-Diaspora
-
Gjestila Mehmetaj, një model frymëzimi për rininë shqiptare në mërgim Gjestila Mehmetaj vazhdon të jetë një model frymëzimi për komunitetin shqiptar dhe për ata që kanë...
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë