Lajme
Zviceranit i kushtojnë shtrenjtë kartat false të vaksinimit
Tani ai është dënuar me një gjobë të kushtëzuar prej 80 tarifash nga 140 CHF në ditë (gjithsej 11,200 CHF) dhe një gjobë prej 500 CHF për falsifikim dokumentesh
Një person nga kantoni St. Gallen u dënua me urdhër penal për falsifikim dokumentesh. Ai kishte blerë karta false vaksinimi për veten dhe gruan e tij për të marrë certifikatat e Covid, transmeton albinfo.ch. Në një stacion testimi për Covid, atij i qe afruar një i panjohur dhe e kishte pyetur nëse donte të blinte një kartë vaksinimi.
Ndërsa gruaja e tij e kishte refuzuar këtë ofertë, burri i saj kishte rënë dakord. Ai kishte bërë një “pazar” me burrin e panjohur që do të merrte dy karta vaksinimi për 300 CHF secilën.
Sipas marrëveshjes, ai ka futur 600 franga në kutinë e tij postare disa ditë më vonë, ku një person i panjohur ka depozituar dy karta ndërkombëtare të vaksinimit dhe ka marrë paratë me vete, shkruan 20minuten.ch. Këto ishin kartat ndërkombëtare të vaksinimit të zbrtazëta, në të cilat ishte shkruar se është realizuar një vaksinim kundër Covidit në gusht dhe një tjetër në shtator 2021. Me sa duket këto karta janë krijuar në Berlin.
Me këto karta vaksinimi, ai mund të merrte certifikatën Covid 19 të lëshuar nga Zyra Federale e Shëndetit Publik, gjë që edhe kishte ndodhur.
Por në fund, në dhjetor, ai megjithatë kishte hequr dorë, gjegjësisht ishte vetëdenoncuar, përcjell albinfo.ch. Kështu tani është dënuar me një gjobë të kushtëzuar prej 80 tarifash nga 140 CHF në ditë (gjithsej 11,200 CHF) dhe një gjobë prej 500 CHF për falsifikim dokumentesh.
Përveç kësaj, ai duhet të mbulojë edhe shpenzimet procedurale, të cilat arrijnë në 450 franga shtesë. Kundër këtij urdhri penal mund të bëhet ankesë.
Të ngjashme
Të tjera nga Lajme
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë