Lajme
Zviceranët mund t`i bëjnë pushimet verore jashtë vendit, nëse lejojnë vendet pritëse
"Mund të largohemi në çdo kohë. Por pyetja është nëse do të na lejohet të hyjmë në ato vende jashtë Zvicrës"
Dy ditë më parë, në një deklaratë të saj për mediat zvicerane, ministrja e drejtësisë, Karin Sutter-Keller, kishte thënë se zviceranët do të mund të shkojnë gjatë kësaj vere për pushime jashtë vendit. Kjo pjesë e deklarimit të saj, që ishte publikuar edhe nga albinfo.ch, kishte shkaktuar huti tek një numër lexuesish.
Por, këtë pohim, zonja Sutter-Keller e ka përsëritur edhe në një intervistë të publikuar sot nga ch-media.
Pyetja e gazetarit ishte: Kur do të mund të udhëtojmë sërish nga Zvicra? “Mund të largohemi në çdo kohë. Por pyetja është nëse do të na lejohet të hyjmë në ato vende jashtë Zvicrës. Të gjitha vendet përreth nesh dëshirojnë të kthehen në normalitet. Unë e dëgjoj këtë në bisedë me homologët e mi. Se sa shpejt mund të arrihet kjo, askush nuk mund ta gjykojë sot”, ka thënë ministrja, transmeton albinfo.ch.
“Nëse një shtet arrin që në një farë mase të stabilizojë situatën pandemike, ai sigurisht nuk dëshiron ta rrezikojë përsëri atë stabilitet menjëherë, duke lënë shumë njerëz (të huaj) që të hyjnë në vend. Ne gjithashtu do të koordinojmë në mënyrë bilaterale”.
Ajo gjithashtu ka thënë se nëse situata është e qetë në javët e ardhshme, ajo mendon se Zvicra do të ishte e hapur për turistët ndërkombëtarë këtë verë, por se e gjitha varet nga situata që do të krijohet.
Po ashtu, Keller-Sutter tha se zviceranët mund të pushojnë edhe në Zvicër. Ajo për vete ka pohuar se pushimet verore do t`i kalojë në Zvicër, në Kantonin e Tiçinos.
E pyetur nëse ajo këtë do ta bëjë për shkak të mbylljes së kufijve me jashtë, ministrja ka mohuar: Edhe për pushimet e Pashkëve kishim planifikuar me bashkëshortin të shkonim në Tiçino por pas bllokimit për shkak të koronavirusit, e anuluam atë pushim”.
Të ngjashme
Të tjera nga Lajme
E-Diaspora
-
Shqipja në Zvicër, pak histori dhe disa probleme aktuale Rritja e numrit të folësve të shqipes në Zvicër rrit edhe perceptimin e zviceranëve për rëndësinë...
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
-
Mërgimtaren Fikrije Salihun e rikthen profesioni në atdhe, pas 30 vjetësh
Jeta në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta “Objeksionet e paraburgimit si ato që Danimarka po planifikon në Kosovë janë gjithashtu pjesë e planit...
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme