Zviceranët, kundër aeroplanëve luftarakë, pro pagës minimale

62% të zviceranëve do të votonin kundër blerjes së aeroplanëve luftarakë "Gripen", 52 % pro pagës minimale dhe 81.6% për iniciativën kundër pedofilisë

Më 18 maj në Zvicër do të mbahen referendume në nivel nacional për tri iniciativa: kundër blerjes së aeroplanëve luftarakë “Grippen”, për Pagën Minimale dhe iniciativa kundër pedofilisë.

Nëse për këto iniciativa do të votohej sot, gjasat për të dështuar biznesi i blerjes së aeroplanëve të përmendur luftarakë do të ishin të vogla. Sipas një sondazhi që ka bërë Instituti për hulumtimin e opinionit publik Lèger (më parë Isopublic),  62 për qind të zviceranëve do të votonin kundër dhe vetëm 32% pro.

Ndërsa për iniciativën tjetër, atë të garantimit të pagës minimale gjasat për ta miratuar janë të ngushta, gjegjësisht  52 për qind.  

Shumë më bindëse sipas këtij sondazhi, do të ishte fitorja e atyre që kundërshtojnë mundësinë e punësimit  të pedofilëve të dënuar, në vendet e punës që kanë të bëjnë me fëmijë. 81.6 për qind të të anketuarve janë shprehur kundër mundësisë së një punësimi të tillë.

Sondazhi ësjhtë kryer me porosinë e gazetës “SonntagsBlick” dhe për të, nga 11 deeri më 14 mars janë pyetur 1017 persona nga Zvicra gjermane dhe frankofone. (sda)