Lajme

BAG: Rënie e mëtejme e infeksioneve me koronavirus në Zvicër

37 pacientë me Covid-19 ndodhen në kujdes intensiv, që është 26 për qind më pak krahasuar me javën e kaluar

E martë, 16 Gusht 2022 - 15:55 albinfo.ch

(KEYSTONE/Laurent Gillieron)

Zyra Federale e Shëndetit Publik (BAG) në njoftimin e dhënë sot pasdite ka bërë të ditur se gjatë javës së fundit 200 persona duhej të shtroheshin në spital për Covid 19.

Po ashtu BAG thotë se janë raportuar 18204 raste të reja me koronavirus, që përbën një ulje prej 5 për qind të numrit, në krahasim me javën e kaluar.

Gjatë javës që shkoi janë regjistruar 14 rate të reja të vdekjes, numër ky që është më i ulët se ai i një jave më parë, kur ishin 25 raste vdekjeje nga koronavirusi.

Aktualisht 718 persona po trajtohen në spital për Covid-19. Kjo është 10 për qind më pak se në javën e kaluar.
Po ashtu në kohën e raportuar 37 pacientë me Covid-19 ndodhen në kujdes intensiv, transmeton albinfo.ch. Kjo është 26 për qind më pak krahasuar me javën e kaluar.

Gjatë periudhës në fjalë janë bërë 56,299 teste.

Norma e pozitivitetit është 32.3 për qind.